As propostas
Este é o listado final das propostas que podes votar nos Orzamentos Participativos na área de Xuventude. Foron seleccionadas entre todas as achegas presentadas, por seren as que cumpren os requisitos establecidos no proceso: son tecnicamente viables, non superan cada unha delas o orzamento máximo de 15.000 euros, poden ser executadas polo Concello dentro das súas competencias, non son investimentos, e considéranse actividades de interese xeral dirixidas á mocidade.
Para facilitarche o proceso, podes atopar as propostas finais agrupadas por áreas temáticas. Podes velas despregando cada pestana ou a través do cartel.
Lembra que é obrigatorio votar tres delas, indicando o grao de preferencia. Podes votar facendo click no botón superior, entre o 19 de febreiro e o domingo 10 de marzo ás 23:59 horas.
Moitas grazas pola túa participación.
- 001
Actividades de música e cultura tradicional galega: baile, pandeireta, foliadas abertas, etc.
- 002
Concerto de música con grupo ou artista referente da escena musical actual.
- 003
Programación de festivais de música por xéneros: rock, indie, electrónica/techno, rap/hiphop e rock alternativo.
- 004
Festival estival de música urbana con artistas emerxentes de hip-hop, rap, reggaetón, trap, freestyle e outros estilos contemporáneos.
- 005
Festival de música con artistas emerxentes, grupos ou bandas (locais e galegas.)
- 006
Festival de música urbana galega na que diferentes artistas propoñan temas orixinais en lingua galega coa elección dos favoritos por parte do público.
- 007
Concertos “sesións matinais” dirixidos á mocidade na Praza de Abastos.
- 008
Solfeo 0. Encontro musical para o coñecemento, formación e visibilización de grupos e bandas (locais).
- 009
Evento musical de inicio ou fin de curso.
- 010
Festival Holi con actuacións musicais (festa de po de cores).
- 011
Concerto de banda inclusiva con ambiente colectivo inclusivo.
- 012
Noite fashion nas tendas de promoción de roupa sen medida para a mocidade, con actividades de música (DJ).
- 013
Festival artistas locais emerxentes e taller de arte urbano dirixido á mocidade.
- 014
Obradoiros de olaría como coñecemento da técnica e actividade de relax.
- 015
Feira (exposición, exhibición-taller, intercambio, ...) con diferentes expresións artísticas urbanas e con espazos para artistas emerxentes: graffiti, malabares, pintura, xoias, tatoo, ... con actividades lúdicas, musicais e gastronómicas.
- 016
Taller de graffitis. Aprendizaxe e visibilización como arte.
- 017
Taller de pintura creativa.
- 018
Actividades de promoción de danza.
- 019
MEMESáPRAZA. Na busca da MEmoria do MErcado de abastoS.
- 020
Desfile pola zona vella de personaxes senlleiros de Galicia con actividades de música, contos, etc,...
- 021
Xornadas sobre festividades populares e estivais como San Xoán. Explicación das herbas, das augas...
- 022
Xincana cultural: creación dun percorrido por Santiago e as súas zonas emblemáticas, seguindo unha serie de pistas e probas dinámicas sobre diversos temas.
- 023
Programa e actividades (visitas guiadas, xogos, ...) en diferentes espazos culturais: museos, teatros, ...
- 024
Pasos cara a periferia. Actividades para a integración e coñecemento do medio rural, dos lugares, do seu patrimonio, valores paisaxísticos, etc.
- 025
Fin de semana cultural para a mocidade: programacións de actividades culturais e de lecer dirixidas á mocidade.
- 026
Encontro de escritoras e escritores xuvenís con actividades de animación á lectura.
- 027
Bibliobus no rural dirixido á mocidade.
- 028
Programa de aprendizaxe intensiva de formación de idiomas dirixido á mocidade.
- 029
Festival faroliños (luces) tailandeses. Actividade dirixida ao coñecemento doutras culturas (budismo).
- 030
Viaxes culturais para coñecer outros lugares de Galicia.
- 031
Programa de intercambio de libros, xogos, contos... a través dun posto fixo habilitado.
- 032
Campamento de aprendizaxe cooperativa para a mocidade con actividades culturais, ambientais, etc.
- 033
"Lendas de Compostela": Unha viaxe a través do tempo e a fantasía. Evento cultural e artístico (teatro, narracións, etc) que celebre as historias, mitos e lendas.
- 034
Cine ao aire libre (autocine, parques ....) con opción de selección de películas.
- 035
Cine en galego que dea a coñecer a cultura audiovisual galega.
- 036
Proxecto WAWA. Proxección de películas con actividades (charlas, talleres, ...) para mostrar a cultura do cine e con ciclo de proxección-exposición de curtas.
- 037
Xornadas de cine para novas creadoras e creadores locais (coñecemento, intercambio e aprendizaxe).
- 038
Feira científica, con charlas, con actividades, exposicións, experimentos...
- 039
Ruta Museos Santiago de Compostela. Trazado dun percorrido para a visita organizada.
- 040
Evento do saber. Intercambio interxeracional para compartir coñecementos e aprendizaxes sobre temáticas da vida cotiá (gastronomía, xogos, uso das novas tecnoloxías, ...).
- 041
Obradoiros para o coñecemento da “vida adulta” en diferentes facetas (relacións laborais, impostos, relación coa administración, etc).
- 042
Xornadas inspiradoras para a xuventude con boas prácticas ou exemplos que sexan referencia en diferentes ámbitos: deporte, música, arte, desenvolvemento persoal, etc.
- 043
Feira de emprendemento xuvenil. Programación dunha mostra local de xente nova e emprendedora para dar a coñecer a súa iniciativa, compartir experiencias, mostra produtos e servizos, etc.
- 044
Taller de videoclips dirixido a artistas e creativos locais emerxentes.
- 045
Talleres de fotografía dirixidos á mocidade.
- 046
Promoción do asociacionismo xuvenil.
- 047
Elaboración de cosméticos como proxecto emprendedor.
- 048
Hortas pedagóxicas municipais. Programa formativo e dinamizador para o cultivo de hortalizas con recoñecemento das mellores colleitas.
- 049
Obradoiro-exposición para coñecer e tratar plantas e cogomelos. Con andainas botánicas para coñecer a flora local e aprender sobre plantas medicinais e tradicionais.
- 050
Talleres de dermocosmética natural, preparación de macerados, aceites esenciais, xabóns e champús sólidos naturais e uso da fitoterapia e as plantas medicinais.
- 051
Coidados comúns das plantas do fogar.
- 052
Programación de actividades de mellora ambiental: limpeza de espazos naturais, recollida, reciclaxe, mellora da imaxe de colectores e papeleiras.
- 053
Charlas sobre a contaminación para a mellora de prácticas e hábitos da mocidade: boas prácticas para a eliminación da contaminación ambiental.
- 054
Voluntariado para plantar e apadriñar árbores e mellorar a biodiversidade en espazos degradados.
- 055
Xornadas de andainas polas zonas verdes contiguas á cidade de Santiago: sendeirismo, xogos, recollida e reciclaxe de lixo, etc.
- 056
Programa: tapóns creativos. Recollida de plásticos en entidades, empresas, espazos e instalacións da cidade para a realización de talleres de reutilización (precious plastic, por exemplo).
- 057
Taller de fabricación de papel artesanal e de encadernación.
- 058
Feira-rastro para darlle unha segunda vida a obxectos e prendas (economía circular).
- 059
Cociña solidaria. Talleres de comida artesanal dirixida ao máis novos con finalidade benéfica.
- 060
Obradoiros (taller, obradoiro,...) de bocadillos con produto local, san e saudable.
- 061
Xornadas de cociña tradicional, gastronomía e cultura galega dirixida á mocidade.
- 062
Feira para o intercambio cultural gastronómico internacional.
- 063
ABC da túa Cociña: O teu taller de cociña saudable e fácil.
- 064
Festival (obradoiros e charlas) Tecnolóxico en Santiago de Compostela: informática, robótica, intelixencia artificial... incluíndo drons ou con robots móbiles.
- 065
Santiago-xoga, pensamento estratéxico e creatividade: encontro de videoxogos, xogos de mesa e de rol para a mocidade.
- 066
Evento Gaming en Compostela.
- 067
Obradoiros gratuítos para a promoción de deportes de raquetas: tenis, pádel, bádminton, entre outros.
- 068
Obradoiro de fomento da práctica de balonmán.
- 069
Xornadas de xadrez.
- 070
Promoción de actividade deportiva no rural e entorno natural de Santiago: carreira ou similar.
- 071
Rutas a cabalo por sitios de interese de Santiago que dea a coñecer o patrimonio, o rural, etc.
- 072
Ruta ciclista solidaria que axude, a súa vez, a visibilidade de demandas sociais actuais.
- 073
#MoveCompostela. Exhibicións con actividades culturais de deportes minoritarios e singulares: fútbol gaélico, capoeira, esgrima, béisbol, etc.
- 074
Programación de charlas, con entrevistas, de deportistas profesionais de diferentes disciplinas. O obxectivo é orientar, motivar e fomentar a práctica deportiva.
- 075
ParroquiOlimpíadas. Deportes e xogos tradicionais, xogos de habilidades, actividades culturais con probas, ... con xornadas de encontro e coñecemento.
- 076
Charlas divulgativas para a mocidade relacionadas con educación afectivo-sexual, prevención e capacitación sobre violencia de xénero.
- 077
O disco máis triste. Gravación dun disco para sensibilización contra a violencia de xénero.
- 078
A Compostela das mulleres. O patrimonio de Compostela dende a perspectiva de xénero.
- 079
Iniciativa artística que recree diferentes casos relacionados coa igualdade desde un punto de vista interxeracional.
- 080
Talleres de corresponsabilidades domésticas inclusivas e integradoras.
- 081
Actividades deportivas mixtas que promovan a igualdade e valores de solidariedade.
- 082
Taller de defensa persoal dirixido a mulleres.
- 083
Construíndo pontes. Espazo creativo para o fomento da igualdade e a inclusión (mural, exposición, ...).
- 084
Maior implantación de puntos lilas nas festas.
- 085
Rutas LGTB. Poñer o foco en figuras LGBT relevantes da historia de Galicia de maneira divertida e amena que dea conta das realidades silenciadas.
- 086
Feira-plataforma de artistas Queer e LGBT: cine, teatro e poesía, música, deseño, artes plásticas, performativas.
- 087
Talleres escolares de lingua de signos.
- 088
Encontro intercultural inclusivo dirixido á mocidade.
- 089
Documental Tuxeleires Rugby Inclusivo.
- 090
Campamento inclusivo. Promoción de actividades para a mocidade con algún tipo de discapacidade.
- 091
Excursións culturais inclusivas e integradoras a sitios de interese de Galicia.
- 092
Programa de voluntariado e sensibilización sobre a situación das persoas en risco de exclusión (sen fogarismo).
- 093
Voluntariado para asistir a residencias/hospitais para acompañar a pacientes.
- 094
Actividades de voluntariado de coidado de nenas e nenos.
- 095
“Ao teu carón”. Voluntariado de acompañamento e lecer con persoas maiores a través de actividades: clases de música, pintura, paseos, etc.
- 096
Programación de charlas divulgativas e actividades de apoio relacionadas coa saúde mental da mocidade.
- 097
Cursos de primeiros auxilios dirixidos á mocidade.
- 098
Programación de actividades e técnicas de relaxación para a mocidade.
- 099
Feira de adopción de animais.
- 100
Voluntariado de coidado e atención aos animais, especialmente de cans e gatos.
- 101
Voluntariado para pasear mascotas (cans,...), especialmente dirixido a persoas con dificultades para a mobilidade.
- 102
Exposición fotográfica/artística na defensa dos animais.
- 103
Xornadas na Defensa dos Animais.